Studia na Hulanda

ta kuminsa ku un bon preparashon

Studia na Hulanda » Bai bèk òf keda Hulanda


Tur studiante ku bandona nan país pa bai studia na Hulanda tin ku puntra pa nan mes, si despues di nan estudio nan lo keda Hulanda òf bai nan páis bèk.

Hopi ta esnan ku ya ta bisa, djis promé ku nan bai, ku nan lo regresa nan país bèk. Pero hopi di nan mes, ta esnan ku ta keda Hulanda dor di un òf otro motibu. Pesei ta di importansha pa pone pa bo mes riba papel, kiko tur bo ke logra na Hulanda. I kuantu aña esakinan lo dura. Tambe pone ki tipo di karera bo ke tin despues i evalua unda bo por realisa esaki nan. Na Hulanda òf na bo mes páis òf kisas otro kaminda?

Bai bèk òf keda Hulanda, no ta un pregunta ku bo por kontestá sin tin un un bon orientashon i evaluashon promé. Ta bon pa bo evalua pa bo mes kiko ta bo deseonan.
Un di e motibunan dikon studiantenan no ta regresa nan país bèk ta, ku portanan di oportunidat ta habri pa nan, kaminda nan por sigui un estudio mas òf nan ta mira gran posibilidatnan na Hulanda pa por biba un bida mas miho, segun nan deseonan. Tambe e salario ku nan por gana kisas por ta muchu mas atraktivo na Hulanda. Loke ku por ta posibel tambe ta, ku via di Hulanda nan por yega den kontakto ku otro paísnan den Europa muchu mas fasil, kaminda nan por amplia nan karera.
Pues, èks studiantenan ta haña ku na Hulanda of otro kaminda, por nifika algu pa nan, enbes na nan propio país.

E moneda tin dos manda. Na e orto banda e famoso dicho di J. F. Kennedy ta bisa; “No puntra kiko bo país por hasi pa bo, sino kiko abo por hasi pa bo país”, ta un dicho hopi huzá! Esnan ku ta skohe pa bai nan país bèk, ta mira ku nán por nifika algu pa nan país. Ku nan a skohe pa bai studia na Hulanda ku e proposito pa regresa kas bèk pa hiba nan país dilanti. Ku nan ke duna algu bèk na nan país.
Tambe tin ta skohe pa bai kas bèk, pa motibu ku e sistema di bida, ta muchu mas trankil kompará ku e sistema kon tur kos ta bayendo riba un hánsha na Hulanda. I tambe paso nan no ta sinti nan mes na kas i ta sinti falta di nan mayornan.

Asina pues tin diferente opinion nan dikon un studiante ta skohe pa bai kas bèk òf keda Hulanda. Ta keda na kada studiante kiko nan ta skohe pé.
Pesei ta di suma importansha pa pensa bon i evalua bon kiko bo ke, pa despues bo no lamenta. Ta konsehabel tambe, pa nos hasi nada ku ta mara bu na Hulanda, si bo tin pensa na regresa kas bèk. Por ehèmpel pa motibu di debe. Pensa bu bon kiko bo ke, basta bo por realisa bo metanan.

Bo tin pregunta?

Pa kualke pregunta tokante estudio òf preparashon pa bai biba na Hulanda, tuma kontakto ku nos libremente.

Tuma kontakto ku SnH
Studia na Hulanda

Studia na Hulanda