Studia na Hulanda

ta kuminsa ku un bon preparashon

Studia na Hulanda » Blog

Splikashon studiefinanciering

 

E studiefinancierning pa un studiante di hbo of universidat ta konsistí di 4 pida.

  1. Fiansa (lening)
  2. Ov reisproduct
  3. Aanvullende beurs
  4. Collegegeldkrediet

E studiefinanciering ta un fiansa. E fiansa aki bo tin ku pagele bèk despues di bo estudio. Solamente e ov i e aanvullende beurs por bira un regalo (gift). Pa esei bo méster logra bo diploma den 10 aña, kuminsando for di e prome luna ku bo a risibi studiefinanciering pa prome biaha. Si bo no logra bo diploma, bo tin ku paga tur kos bèk. Solamente e aanvullende beurs ku bo a risibi den e prome 5 lunanan, bo tin mag di keda kune.

E kantidat di studiefinanciering ku un studiante di hbo of universidat por haña ta € 867, 68 (incl. aanvullende beurs)

Kuantu aña bo mag di haña studiefinanciering?

Pa un estudio riba nivel di hbo, òf un estudio di unviversidat, bo ta haña 7 aña di studiefinanciering. E aanvullende beurs sí ta pa e prome 4 añanan so. I e ov kaart bo ta hañe pa e prome 5 añanan. Pa estudionan ku ta dura mas ku 4 aña, bo por haña studiefinanciering pa un temporada mas largu. Bo méster hasi uzo di bo studiefinanciering den 10 aña. Pa mas informashon bihita DUO

Ov
E karchi  ov (reisproduct) ta un fiansa. Pa luna e ta kosta € 89,07. Bo por kore kune den transporte publiko sea pòrnada òf ku deskuento. Na momentu ku bo logra bo diploma di estudio den 10 aña, e ta bira un regalo ku bo no tin ku page bék. Bo por skohe tambe pa no tuma ov chipkaart.

Aanvullende beurs
E aanvullende beurs ta depende di e entrada di bo mayornan. DUO ta wak na nan salario di dos aña pasá. Tambe na e kantidat di yunan ku ta studiando, tin influensha riba e kantidat di e aanvullende beurs.

E kantidat di e aanvullende beurs pa aña eskolar 2017/2018 ta €387, 92.

Collegegeldkrediet
Collegegeldkrediet ta un fiansa speshal pa paga collegegeld. I e ta forma parti di e studiefinanciering. Si bo tin derechi riba studiefinanciering, bo por aplika pa risibi collegegeldkrediet.

!!! Collegegeldkrediet no ta obligatorio!!! Na momentu ku bo ta risibi lening i aanvullende beurs, esakinan ta sufisiente pa por paga collegegeld. Esaki lo bira un extra debe.
E kantidat ku bo por fia na collegegeldkrediet ta € 167,17

Collegegeld hbo/universidat
E kantidat di collegegeld ku tin ku paga pa aña 2017/2018 ta € 2006, 04 (depende kua skol bo ta bai).

 

Benefisionan di studia na Hulanda

 

Studia na Hulanda no ta promové studiamentu na Hulanda. Sino mas bien duna informashon na esnan ku e skohe pa sigui ku un estudio na Hulanda.
Hulanda tin su benefisionan ku e ta ofrese na e studiante ku skohe pa sigui ku un estudio na e pais aki. E benefisionan ta hasi e studiamentu mas atraktivo i e bida di e studiante mas fasil. E benefisionan ta lo siguiente:

  • Hopi variashon di skolnan i difierente tipo di estudionan
  • E edifisio di e skolnan ta atraktivo i ku hopi fasilidatnan
  • Bo ta bin na remarke pa studiefinanciering
  • Bo ta kore gratis i tambe ku korting ku bo studenten ov-kaart den transporte publiko
  • Kore stage internashonal
  • Estudionan na Ingles
  • Studia independiente
  • Biba op kamers den studentenflet
  • Korting riba bukinan di skol òf segunda mano
  • Traha huntu ku studiantenan di otro estudio
  • Oportunidat pa por amplia bo konosementu riba diferente tereno
  • Diferente evenementonan i aktvidatnan organisá dor di skol pa studiantenan
  • Pakete di banko speshal pa studiante
  • Diferente tiponan di seguro speshal pa studiante (mas barata)
  • Bijbaan pa studiantenan
  • Deskuento pa studiante den algun pakusnan/Pathé bioscoop/museum
  • Bo por biaha fasilmente na otro paísnan den Europa
  • Kwijtschelding riba tarifa di belasting

 

Bo ke kompartí esun di bo?

Studia na Hulanda ta buskando dos ex studiante ku ke kompartí nan eksperensha komo studiante na Hulanda.
Bo ke kompartí esun di bo? Tuma kontakto ku nos, kompartí bo eksperensha pa por konsientisa i informa futuro studiantenan ku ke bai studia na Hulanda.

Bo historia tambe ta konta!

 

Aplikashon pa DUO studiefinanciering for di “Antias”

Pa studiantenan di Aruba, Korsou i Boneiru, e aplikashon pa DUO studiefinanciering ta kana otro. Esaki dor ku ahinda bo no tin un burgerservicenummer. Sí bo ta plania pa aplika pa studiefinanciering di DUO, hasi esaki asina ku bo inskribí via di Studielink.

Pa mas informashon, klik aki!

Inskripshon aña eskolar 2017/2018

Tur aña di nobo un kantidat di studiante ta hasi e eskoho pa sigui ku un estudio na Hulanda.Pa e aña aki, meskos ku tur e otro añanan, ta nesesario pa hasi bo inskripshon pa bo estudio. Esaki ta tuma luga via di Studielink i promé ku 1 mei 2017. Pa por hasi e inskripshon aki posibel, bo mester tin un skol i un estudio di bo eskoho.

Pues, tuma bon nota di esaki!

Sèptèmber 2015

Pa 1 Sèptèmber 2015 na Hulanda, e basisbeurs di studiefinanciering lo no ta èksisti mas. Esaki ta nifika ku e studiefinanciering ta bira un fiansa (lening) kompletu. Esaki ta wordu yama “Sociaal Leenstelsel”.  Antes nos tabata konose e areglo ku ora bo kaba bo estudio den 10 aña e prestatiebeurs ta bira un gift. Pa Sèptèmber 2015 esaki lo no ta e kaso mas i studifinanciering ta bira un fiansa kompletu. E idea tras di esaki ta pa studiantenan mes inbertí den nan estudio i futuro. I despues di nan estudio, asina ku nan haña un trabou pa kuminsa paga e fiansa aki bèk ku interes abou.

Algun konsekuansha di e fiansa aki

  • Na final di bo estudio lo bo keda ku un debe aun mas grandi pa paga bèk
  • Den futuro hopi hoben lo skohe pa no sigui studia, dor di miedu di e fiansa
  • Studiantenan di Karibe Hulandes, Korsou, Aruba i Sint Maarten lo no regresa nan pais bèk, pa motibu di pago di nan        debe na euro
  • E termino pa paga e fiansa bèk ta bira 35 aña enbes di 15 aña
  • Studiantenan ku mayornan ku salario hopi haltu, so por paga pa nan estudio sin ningun ayudo di e fiansa aki

Nos di Studia na Hulanda lo bai mas profundo den e sociaal leenstelsel aki. Sigui bishita nos website  pa mas informashon!

 

E idea tras di 1 mei

Hopi studiante ta puntra nan mes, dikon inskribí promé ku 1 mei?

E idea tras di esaki ta, ku hopi studiante ta warda pa lastu momentu pa inskribi pa un estudio. Hopi ta warda pa asta ora skol ta serka di kuminsa pa kore inskribi. I durante di aña eskolar tin ku ta ku stòp òf ta kambia di estudio. Pues inskribí prome ku 1 mei ta, pa stimula e hoben pa pensa i hasi un eskoho di su estudio i inskribi na tempu. I alabes hasi un bon eskoho di su estudio. Un motibu mas pa inskribi trempan ta, pa si akaso e hoben tin duda riba su promé eskoho i no ke hasi e estudio aki mas, e por kambia di estudio promé ku 1 sèptèmber 2014.

Pues e promé inskripshon a tuma luga 1 mei i sí ta nesesario, por kambia di e estudio di bo promé eskoho promé ku 1 sèptèmber 2014.

Ov chipkaart pa studiantenan nobo

website-images3

Infomashon pa studiantenan nobo tokante ov chipkaart

Studia na Hulanda a trese informashon tokante ov chipkaart na studiantenan di Rotterdam. I esaki ta informashon ku a wordu presentá. Sigui Lesa…

Kosnan pa regla ora bo yega Hulanda

1c0ae2205709722b62e843abc0471a55_L

Kiko mi tin ku regla ora mi yega Hulanda?

Ora ku bo yega Hulanda, tin algun kosnan ku bo tin ku regla asina bo yega. I tambe segun dianan ta bai, mas kos ta bira relevante pa regla sea pa ku bo bida personal, komo studiante i komo suidadano.
Studia na Hulanda a traha un lista di e kosnan ku siguramente bo mester regel ora ku bo yega Hulanda. Sigui Lesa…

Bo a gradua? Masha pabien!

gr

Pabien na e studiantenan ku a gradua!

Un pabien ta bai na tur studiantenan ku a gradua pa nan estudio.Sigui ku e bon trabou den bo proksimo estudio. Nunka no entrega, maske kon difisil kosnan por ta parse. Ta esun ku ta lucha, pèrseverá i ta risibi bon resultadonan, ta esun ku ta alkansa su metanan. Sigui Lesa…

Bo tin pregunta?

Pa kualke pregunta tokante estudio òf preparashon pa bai biba na Hulanda, tuma kontakto ku nos libremente.

Tuma kontakto ku SnH
Studia na Hulanda

Studia na Hulanda