Studia na Hulanda

ta kuminsa ku un bon preparashon

Studia na Hulanda » Enseñansa

Na Hulanda tambe e enseñansa ta wòrdu dividí den diferente nivelnan den enseñansa. Mayoria di e skolnan na Hulanda ta skolnan publiko repartí den e diferente suidatnan. Manera ta konosi skolnan basiko, skolnan sekundario, mbo, hbo i universidat (wo). Un studiante ku ta sigui un estudio riba nivel di mbo, hbo òf universidat, por bin na remarke pa finansia di estudio (studiefinanciering) via di DUO.

Pa loke trata mbo, hbo i universidat tin diferente posibilidatnan.
E afkorting di mbo ta nifika na Hulandes, ‘middelbare beroepsonderwijs’.
Mbo ta ofrese estudionan riba diferente nivel manera nivel 1, 2, 3 i 4 den diferente kategoria i fishi. Un estudio riba nivel di mbo bo por asta kombine ku full time na skol of skol i trabou (leren en werken). Despues di kaba un estudio riba nivel di mbo 4, bo por sigui ku un estudio riba e nivel di hbo.
Pa por haña akseso na un mbo, e studiante mester tin un di e diplomanan di mavo, vmbo, lbo of tres aña di estudio na un havo of vwo.  Pa por sigui ku nivel 4, e studiante mester tin un diploma di mbo nivel 3. I pa nivel 1 no tin eksigensha pa por kuminsa.

Hbo no konose diferente nivelnan manera mbo tin. E ta un nivel so ku diferente posibilidatnan di estudio. E afkorting di hbo ta nifika, ‘hoger beroepsonderwijs’.
Pa por kuminsa ku hbo e studiante tin mester tin havo òf  vwo òf mbo 4 òf si no tin niun di esakinan i e tin 21+ e por hasi un toelatingsexamen i despues di pasa esaki ku eksito e por drenta hbo.
Na un hbo tambe bo tin e posibilidat di por sigui un estudio sea full time skol (voltijd) of skol i trabou (deeltijd). Despues di hasi un estudio riba nivel di hbo, bo por hasi un segundo estudio riba hbo mes of bo por sigui ku universidat.

Universidat ku tambe ta wordu yama wetenschappelijk onderwijs (wo), ta un intistuto ku ta ofrese estudionan riba nivel di bachelor i sientifiko (wetenschappelijk). Pa por wordu asepta na un universidat, e studiante mester tin un vwo òf hbo diploma of hbo propedeuse. Si e studiante no tin un di e diplomanan aki, i e ta 21+, e por hasi un toelatingsexamen i despues di pasa esaki ku eksito e por drenta unviversidat.
Un estudio na un universidat ta wòrdu parti den dos parti kual ta, e bachelor ku ta dura tres aña minimo i despues den un aña minimo e studiante por kompleta su master. Na universidat tambe tin e posibilidat di sigui un estudio sea voltijd of deeltijd.

  • ShareShare on FacebookShare on LinkedInShare on Google+Tweet about this on Twitter
  • Bo tin pregunta?

    Pa kualke pregunta tokante estudio òf preparashon pa bai biba na Hulanda, tuma kontakto ku nos libremente.

    Tuma kontakto ku SnH
    Studia na Hulanda

    Studia na Hulanda