Studia na Hulanda

ta kuminsa ku un bon preparashon

Studia na Hulanda » Religion i kultura

Segun Centraal Bureau voor de Statistiek (CBS 2007), e religionnan den pèrsentahe pa aña 2007 na Hulanda ta:
4%     Gereformeerd
4%     Overige
5%     Moslim
6%     Protestant
9%     Hervormd
28%   Rooms-Katholiek
44%   Geen

Hulanda ta konosí pa e leon oraño, nan evenementonan deportivo, i dia di La Reina i tambe Dia di Liberashon (Bevrijdingsdag). Dor di e influensha di e kreénsha kristian, tin algun selebrashonnan ku ta poné riba agenda manera, pasku di nasementu, bièrnè santu, pasku di resurekshon, hemelvaart i pentekostes.
Asina tin algun fiestanan mas di tradishon ku ta wordu selebrá, pero ku no ta un dia liber ofisialmente. Loke ku no por wordu lubidá ta e famoso fiesta di Sanikolas i ku su famoso anochi di regalo (pakjesavond) riba 5 desèmber. Riba bispu di aña nobo anochi, esaki ta wordu selebra ku oliebollen i ta habri e aña nobo ku vuurwerk.

Aparte di e fiestanan tradishonal di Hulanda, nan tin nan platonan tradishonal i kultural tambe. Algun di esaki nan ta e famoso stampot ku ta, batata machika ku bèrdura brua den dje i ku un tipo di karni of wòrst banda di dje ku ta wordu komé den oranan di atardi. Mahinta nan ta kome pan den ora di desayuno i tambe den oranan di mèrdia komo lunch. Tambe nan ta konosi pa e tantu tiponan di keshi ku nan tin. Algun otro tipo di alimentonan ta, hagelslag (muisjes), pindakaas, arepa (pannenkoek), stroopwafels, krokèt, frikandèl, etc.
Awendia asta e kumindanan Hulandes ta wordu influenshá pa tur e otro tiponan di kumindanan di e otro kulturanan manera kuminda Italiano, Chines i Indones.

Loke ta trata bebida, i ta wordu bebé frekuentemente ta, kòfi, té, lechi i serbes. Kòfi i té ta wordu bebe na komienso, durante di dia i na final di dia. Serbes na momentunan speshal i na evenementonan. Lechi ta wordu bebé na kualke momentu di dia.

  • ShareShare on FacebookShare on LinkedInShare on Google+Tweet about this on Twitter
  • Bo tin pregunta?

    Pa kualke pregunta tokante estudio òf preparashon pa bai biba na Hulanda, tuma kontakto ku nos libremente.

    Tuma kontakto ku SnH
    Studia na Hulanda

    Studia na Hulanda