Studia na Hulanda

ta kuminsa ku un bon preparashon

Studia na Hulanda » Transporte

Na Hulanda tin diferente tipo di transporte publiko ku bo por trafika kune. Aki ta trata di e diferente tipo di transportenan publiko:

  • -Trein
  • -Metro
  • -Tram
  • -Bùs

Ta remarkabel ku na Hulanda transporte publiko ta bon organisá, dor ku nan ta sali na tempu, manera tin pone riba e bòrchi. Si resulta ku bo no ta na tempu pa esaki, tá sigur ku bo a pèrdé i ku bo tin ku warda riba e siguiente. Tin algun kamindanan na Hulanda ku bo por yega ku solamente ku ún di e tranportenan aki, òf den kombinashon ku otro òf bo tin e posibilidat di skohe kon pa por yega bo destinashon ku un di e transportenan aki.

Pa por trafika ku transporte publiko, bo mester tin un karchi di transporte. E ta un tipo di karchi ku bo tin ku check- in i check- uit kune, ku bo por huza den bùs, metro i tram i/òf den trein tambe.

Ku trein bo por wòrdu transporta di un suidat pa otro. Algun di e treinan aki ta stòp solamente na e suidatnan grandi so riba su trayekto. Un trein otro na tur stashòn di e suidatnan riba su trayekto i un otro algun stashònnan so riba su trayekto.

Metro i tram ta otro tipo di transportenan públiko ku bo por trafika kune na Hulanda. E diferensha entre metro i tram ta, ku metro ta kore mayoria biaha den tùnel i ta para na tur metro stashònan so. Tram ta kore mayoria biaha pafo den e kayanan di e suidat, ku ta pone ku e persona por baha mas serka di su destinashon. Meskos ku den bùs, den tram tambe bo tin ku primi bèl pe para. Esaki si nó ta e kaso di metro, dor ku e ta para na tur stashòn.
No ta den tur suidat tin metro i tram!

Loke ta trata bùs, esaki ta kore pasa den kayanan ku tram no por yega i tambe kaminda tram ta pasa. Bùs ta fasilitá e pasahero pa yega su destinashon kaminda tram ni metro no por yega.

Un servisio ku ta wòrdu duna den e transporte publiko nan aki ta, ku tin bòrchinan digital den e transporte ku ta mustra kada bes e siguiente destinashon (stashòn of halte). Den algun treinnan i bùsnan tin esaki. Si e saki no ta e kaso den trein, e konduktor mes ta menshona e siguiente stashòn ku e trein ta bai yega. I den bùsnan ku no tin e bòrchinan digital nan aki, bo por pidi e shoufùr pa duna bo un señal ora bo ta serka di yega, pa den kasonan bo no sa unda bo tin ku baha.

Pa resumí: Pa por trafika ku transportenan publiko na Hulanda, ta rekomendá:
1) Tin bon informashon di unda bo tin ku bai.
2) Sòru pa bo tin bo karchi di transporte ku sufisiente sèn riba dje pa por check in i uit. Òf kumpra un karchi.
3) Ta na tempu pa bo no pèrdè e transporte. Ya bo por yega bo destinashon na tempu.
4) Respetá reglanan di transporte publiko.

Baiskel
Un otro tipo di transporte hopi huza na Hulanda ta baiskel. Baiskel ta un di e transportenan ku den máyoria hogar mester tin sikiera unu. E ta wòrdu huzá mayoria biaha dor di studiantenan, pero tambe personanan ku ta fiets bai trabou òf bai trein stashòn. Baiskel tá fasilita bida di hopi hende na Hulanda, dor ku bo por bai tur kaminda kune djis banda di kas òf bo por bai kune den trein òf metro si bo tin un distansha muchu mas largu pa kore.
Pa bai ku bo baiskel den trein bo tin ku kumpra un karchi speshal pa bai ku bo baiskel. I pa bai ku bo baiskel den metro, tin oranan stipulá pa por hasi esaki.
Baiskel ta wordu  huza hopi tambe pa den tempunan liber. Por ehèmpel pa bai un weekendje weg, kore den parkenan, ètc.
Na tur trein stashòn nan ta ofrese e fasilidat di por lòk bo baiskel den un huki speshal (fietsenstalling) pa mara baiskel. Tambe na diferente kamindanan den e suidatnan, nan ta ofrese e servisio aki.

Komo studiante ta bon pa por tin un baiskel pa por trafika kune pa bai skol òf hasi boodschap por ehèmpel. Pa por yega na un baiskel komo studiante; un baiskel nobo por kosta bu hopi sèn. Un baiskel segunda mano ta kosta bu menos sèn i bo por haña un den bon estado.

  • ShareShare on FacebookShare on LinkedInShare on Google+Tweet about this on Twitter
  • Bo tin pregunta?

    Pa kualke pregunta tokante estudio òf preparashon pa bai biba na Hulanda, tuma kontakto ku nos libremente.

    Tuma kontakto ku SnH
    Studia na Hulanda

    Studia na Hulanda