Studia na Hulanda

ta kuminsa ku un bon preparashon

Studia na Hulanda » Ken nos ta

Ken nos ta

E website Studia na Hulanda ta un inisiativa di un èx- studiante bibá na Hulanda. Kaminda e ta huza su eksperensha i eksperensha di otro nan pa por informa i konsientisa e studiante ku ke bai studia na Hulanda.Tambe pa esnan ku ya ta studiando na Hulanda kaba i pa mayornan di e studiantenan e por ta di gran uso.

E idea pa lansa e website di Studia na Hulanda, a yega na momentu ku studiantenan ku mi ta relashona kune, tabata sinti falta di un rekurso kaminda nan por yega fasil na informashon nesesario tokante studiamentu na Hulanda. Tambe loke ta mas prekupante ta ku studiantenan ku ta stòp ku nan estudio dor di falta di bon informashon, un bon preparashon i motivashon pa sigui ku nan estudio. Studia na Hulanda ke nifika algu pa nan tambe.

Loke ku mester pone kla ta, ku Studia na Hulanda no ta promové studiamentu na Hulanda i ta laga esaki liber na kada studiante pa skohé unda nan ke bai sigui nan karera di estudio.

Siglenne Sommer

Meta di e website

E meta di e website Studia na Hulanda ta pa informá, prepará i konsientisa hobennan studiante ku ke sigui ku un estudio na Hulanda i pa esnan ku ta studiando na Hulanda. Remarkabel ta, ku tin varios studiantenan ku no ta kompletamente i korektamente informá tokante di studiamentu na Hulanda i e bida nobo ku nan ta bai kuminsa na Hulanda.
Varios ta esnan ku ta keda pegá den nan estudio i/òf ta stòp ku esaki pa motibu di falta di informashon i motivashon pa por sigui.
Loke tambe ta hasi e studiamentu na Hulanda un poko mas difisil ta e preshon ku ta wordu butá pa kaba ku e estudio den e añanan stipulá. Pues reglanan nobo ku ta Sali for di e gobiernu di Hulanda pa ku e enseñansa na Hulanda.

Pues Studia na Hulanda tei pa:

Informá nan tokante di e bida komo studiante na Hulanda, tokante di Hulanda mes en general, studiefinanciering, reglanan nobo pa ku enseñansa i hopi mas.

 

Konsientisa nan di e stap ku nan ta bai tuma òf a tuma pa bai studia na Hulanda, no ta un desishon asina fasil sin su konsekuenshanan i debernan. I tambe konsientisa nan riba erornan ku otro nan a komete pa nan tin èxtra bista riba esaki.

 

Pepará e hoben riba lokualnan e por konfronta su mes kune na Hulanda komo studiante.


Riba e website e hoben por haña informashon riba diferente tereno manera: studiefinanciering, studia na Hulanda, seguro, bibienda i hopi mas. Pa medio di video i eksperensha skirbí di orto (ex)studiantenan, nan por haña un bista di, kon otro nan a eksperensha e bida di studiante na Hulanda.
Pues e ta un website pa tur hoben ku ya a tuma e desishon pa sigui un estudio na Hulanda, pa esnan ku ahinda tin ku tuma e desishon i pa mayornan ku ke tin un bista di e bida di studiante ku nan yunan lo por eksperensha na Hulanda i e preparashon ku ta nesesario. Tambe pa e hoben ku ya a kaba di yega Hulanda e website ta di gran uso pa e tambe.

Bo tin pregunta?

Pa kualke pregunta tokante estudio òf preparashon pa bai biba na Hulanda, tuma kontakto ku nos libremente.

Tuma kontakto ku SnH
Studia na Hulanda

Studia na Hulanda