Studia na Hulanda

ta kuminsa ku un bon preparashon

Studia na Hulanda » Ov chipkaart pa studiantenan nobo

website-images3

Infomashon pa studiantenan nobo tokante ov chipkaart

Studia na Hulanda a trese informashon tokante ov chipkaart na studiantenan di Rotterdam. I esaki ta informashon ku a wordu presentá.

Kiko ta ov- chipkaart?

Ov- chipkaart ta e karchi ku bo ta huza pa paga pa transporte publiko na Hulanda. Tur hende mester tin nan priopio karchi. Un karchi pa kada pèrsona.

Ki sorto di ov- chipkaart tin?
E ov- chipkaart konose 3 tipo kual ta:

Persoonlijke ov- chipkaart*: Esaki ta e ov- chipkaart ku tin un potrèt di bo riba dje, i ta bo so por trafika kune den transporte publiko.
Anonieme ov- chipkaart: Esaki ta e karchi ku no tin un potrèt riba dje i e karchi aki bo por fia otro hende tambe. Pero korda ku ta un karchi pa pèrsona. Pues bo fia un hende e karchi aki, bo tin ku soru pa bo tin un otro pa abo mes huza.
Wegwerp ov- chipkaart: Esaki ta e karchi ku bo ta huza un biaha i tira afo. E ta un karchi di karton.

*Komo studiante bo mester di e persoonlijke ov- chipkaart.


Kumpra ov- chipkaart

Unda bo por kumpra ov- chipkaart?

Bo tin ku bestel e ov- chipkaart aki via di www.ov-chipkaart.nl i ta kosta €7, 50 pa karchi. Riba e website aki bo ta yena bo gegevens i upload un pasfoto pa bo por kumpra e karchi. Kòrda ku ta e persoonlijke ov- chipkaart bo tin ku kumpra komo studiante. Ora ku bo hasi e petishon aki online, bo tin ku paga tambe online via di Ideal.

Si bo no ke kumpra e karchi aki online, bo por bai tambe na un di RET su servicebalie i yena un aanvraagformulier pa e persoonlijke ov- chipkaart. Nan mes ta splika bu kon e pago pa e karchi aki tin ku wordu hasi.


Reisproduct

Ora ku bo a vraagaan studiefinanciering, bo ta skohe si bo ke week òf weekend reisproduct. Sí bo no hasi esaki, DUO mes ta pone standart week reisproduct pa bo. Si bo ke un weekend reisproduct, bo mes tin ku geef esaki door.

Despues di a aplika pa studiefinanciering, DUO ta manda un konfirmashon na kas pa bo, ku si nan ta bai di akuerdo pa bo haña studiefinanciering. Despues di esaki bo ta haña inloggegevens i un aanvraagformulier koppeling di Studentenreisproduct. E aanvraagformulier koppeling aki ta pa bo yena i manda pa Studentenreisproduct, pa nan sa pa kua ov- chipkaart nan tin ku pone e week òf weekend reisproduct kla.

Sí den un siman bo no haña inloggegevens ni aanvraagformulier koppeling, bo mes tin ku bai riba e website di Studentenreisproduct pa yena e koppeling aanvraagformulier.

Ora ku bo haña bo ov- chipkaart, riba dje tin 16 number, esei ta bo ov kaartnummer. Despues bo ta bai riba e website di Studentenreisproduct pa bo yena e aanvraagformulier koppeling i bo ta yena e 16 numbernan aki huntu ku bo gegevens. Si bo no hasi esaki, bo no ta haña bo reisproduct ku bo a aplika pé.


Pone reisproduct riba bo ov-chipkaart

Ora ku bo risibi bo ov- chipkaart via di post, ahinda bo no por kuminsa reis gratis kune komo studiante. Esaki dor ku bo tin ku pone bo reisproduct riba dje promé. Pero sí bo por pone sen riba dje pa bo por reis op saldo.

Na momentu ku bo manda e aanvraagformulier koppeling aden, bo tin ku warda pa bo risibí un konfirmashon di Studentenreisproduct. Ora ku bo risibí e konfirmashon aki, nan ta bisa bu ki dia bo reisproduct ta kla i ku bo por bai pone esaki riba bo karchi.

E ponementu di reisproduct (sea week of weekend reisproduct) no ta wordu poné automatisch riba bo karchi. Abo mes tin ku bai na un di e oplaadautomaat pa por pone bo reisproduct riba bo karchi. Kon bo por hasi esaki? Den mayoria tur supermarkt di Albert Heijn bo ta haña un mashin chiki kolo hel, kaminda bo por pone bo reisproduct riba bo ov- chipkaart. Chèk e splikashon di ov-chipkaart.nl.


Laad op bo ov- chipkaart

Ora bo kaba di haña bo ov- chipkaart, korda laad e op, dus pone sen riba dje prome bo huzele, mientras bo ta warda pa bo haña bo reisproduct.

Ora bo tin bo reisproduct kaba riba bo ov- chipkaart, sí bo tin un week reisproduct, bo no tin nodi di laad op durante siman dor ku bo ta reis gratis. Ora bo ta reis den weekend, bo ov no ta gratis, pues pa weekend sí bo tin ku laad. Esaki tambe ta konta visa versa pa esnan ku tin weekend reisproduct.

Pa bo por reis den bus, tram òf metro, bo mester tin minimal €4, – riba bo ov- chipkaart. I pa bo po reis den trein, bo mester tin minimal €10, – riba bo ov- chipkaart. Dikon? Dor ku ora bo check in un instaptarief ta wordu kitá. Instaptarief ta e bedrag ku ta wordu kitá na momentu ku bo chek in. Pues e ta kita prome €4,- òf € 10, – (pa trein), anto ora bo yega bo destinashon i check uit, e ta herbereken i kita e bedrag ku e reis ta kosta.

Unda bo por laad op bo ov- chipkaart? Na tur metro station bo ta haña un oplaadautomaat òf na tur treinstation bo ta haña oplaadmachine kolo hel grandi.


Keda sin check uit

Ora bo ta reis gratis durante siman, bo lubida di check uit, nada no ta pasa. Dor ku e no ta kita sèn, bo no ta bezig ta reis riba saldo, nada no ta pasa. Pero sí bo ta obliga na check in i uit tur momentu maske bo ta reis gratis.

Pero ora bo ta reis den weekend, bo ta reis riba saldo, bo keda sin chek uit, bo ta pagando dimas pa e biahe ku bo a hasi. Sí riba e dia ei mes bo tin ku reis atrobe, ora ku bo bai check in, e ta chekbo uit promé, kaba bo tin ku bolbe check in pa bo por reis. Dus bo tin ku pasa e karchi dos biaha na e mashin di chek in/uit.

Sí bo no a reis mas pa e dia ei, bo tin ku bai na un balie di RET i bisa nan ku bo a lubida di chek uit, anto bo tin ku yena un formulier pa bo por haña bo sobra sèn bèk. Esaki ta un tramite ku ta dura basta largu promé ku bo por haña bo sèn bèk. Sí bo no hasi esaki tampoko, bo ta pèrdè bo €4 òf €10.

E infomashon aki tambe ta konta visa versa pa esnan ku tin un weekend reisproduct.


Ora bo karchi pèrdè of daña.

Ora bo pèrdè bo ov- chipkaart, bo tin ku login via di bo account riba www.ov-chipkaart.nl , kaminda bo a bestel bo persoonlijke ov- chipkaart, anto bo ta meld aan ku bo a pèrdè bo ov- chipkaart. Ora ku bo hasi esaki, bo karchi ta wordu blokia den 24 ora.

Ora bo ov- chipkaart no ke traha mas òf e no ta traha optimal ora di check in/uit òf e tin un scheur den dje, bai na un di e balinan di RET pa nan wak pa bo kiko falta e karchi i nan ta sigui splika bu kiko pa hasi. Bo ta haña serkanan un formulier kaminda bo por manda pidi un otro ov- chipkaart i bo tin ku manda esun ku ta daña of kibra huntu ku e formulier. Riba e formulario pa un ov- chipkaart nobo mes tin pone e adres kaminda bo tin ku mande. Òf bo por bai riba e website di www.ov-chipkaart.nl pa hasi un petishon nobo.

Pa kada ov- chipkaart nobo bo tin ku paga €11, – i den 1- 3 siman bo por verwacht un nobo bèk. Mientras tantu ku bo ta warda pa un studenten ov- chipkaart nobo, bo por kumpra òf huza un anonieme ov- chipkaart.


ShareShare on FacebookShare on LinkedInShare on Google+Tweet about this on Twitter

Bo tin pregunta?

Pa kualke pregunta tokante estudio òf preparashon pa bai biba na Hulanda, tuma kontakto ku nos libremente.

Tuma kontakto ku SnH
Studia na Hulanda

Studia na Hulanda