Studia na Hulanda

ta kuminsa ku un bon preparashon

Studia na Hulanda » Studia na Hulanda


Preparashon

Na momentu e studiante pasa pa examenklas, e momentu a yega pa tuma un desishon pa sigui studia na Hulanda sí òf nò. Den su trayektorio di estudio, ya e hoben tin algun ideanan di kiko e ke bira i sigui studia pé. Na momentu ku e pasa pa examenklas e lo tin ku tuma e desishon tan grandi di sigui studia na su mes país òf na Hulanda. Ta un deshishon ku no ta wòrdu tumá asina fasil manera hopi tin pensá. E ta un desishon ku ta rekerí di ta bon informá i prepará. Ta konsehabel pa kuminsa buska informashon nesesario sigur minimal un aña adelantá. Informashon ku ta trata, kiko bo ke studia, kua skol, kua suidat, gastu nan finansiero, etc. ku ta di gran importansha pa bo preparashon. Dor di tin e informashon nesesario, ta hiba na ki desishon lo bo tuma. Pues ta nesesario pa, pone riba papel tur infromashon ku bo mester sa enkuantu di studiamentu na Hulanda.

Papia ku bo mayor(nan);

  • Papia ku nan enkuanto bo pensamentu di bai studia na Hulanda i bo futuro karera di estudio. Ta sinsero ku nan den loke bo ke logra.
  • Duna nan e chèns di duna nan pensamenu tokante di bo karera di estudio.
  • Evalua e kombersashon aki ku nan, i pidi nan sostén den bo desishon.

Hasi un envestigashon na bo país di fasilidatnan pa sigui bo estudio einan mes. Buska si tin skolnan ku ta ofresé e estudio di bo eskoho einan mes. Si esaki ta posibel, evaluá si ta nesesario pa bai studia na Hulanda. Esaki pa evitá ku bo ta kuminsa ku un debe di estudio sin ta nesesario.

Rekursonan ku bo por yega na bo informashon ta via di:

  • Internèt; Riba internèt bo por buska informashon enkuanto di estudio, skolnan i studiefinanciering (DUO).
  • Skol; Papia ku bo dosente enkuanto di posibilidatnan i (si e tin) su propio eksperensha di studia na Hulanda òf di otro studiantenan, pa kompartí esaki ku bo.
  • Hasi un tèst di studiekeuze, si bo no sa ahinda kiko pa studia.
  • Hasi un bishita na instanshanan ku ta yuda studiantenan pa prepará nan pa studia na Hulanda, ku ta fasilita nan ku beka (studiefinanciering) i sobrá informashon tokante studiamentu na Hulanda.
  • Bishita studiebeurs/beroepenmarkt, kaminda bo por amplia bo konosementu i idea tokante di diferente posibel estudionan ku bo por sigui, skolnan i trayekto di e estudio di bo eskoho.
  • Studia na Hulanda; Bishita e website di Studia na Hulanda pa keda up to date di tur informashon tokante studiamentu na Hulanda.

Despues di a yega na e infomashon nesesario, i bo a papia ku bo mayornan i bo a envestiga posibilidatnan di estudio na bo mes país, a yega e momentu pa tuma un desishon. Evalua si e infomashon ku bo a haña ta kuadra ku bo ekspektativanan. Evalua serka bo mes, ku enberdat bo ke tuma e stap grandi di bandona bo mayor(nan) i bo país pa sigui ku un karera di estudio i kuminsa un bida nobo na Hulanda.

  • ShareShare on FacebookShare on LinkedInShare on Google+Tweet about this on Twitter
  • Bo tin pregunta?

    Pa kualke pregunta tokante estudio òf preparashon pa bai biba na Hulanda, tuma kontakto ku nos libremente.

    Tuma kontakto ku SnH
    Studia na Hulanda

    Studia na Hulanda