Studia na Hulanda

ta kuminsa ku un bon preparashon

Studia na Hulanda » Salubridat i seguro

Na Hulanda tur hende ta obligá di tin un seguro di dòkter. Na momentu ku bo no hasi esaki, bo ta kore e risiko di haña un boet.
Ta di importansha ku bo tin un seguro di dòkter pa evita gastunan ku bo no por paga. Bo por apliká pa seguro for di na momentu ku bo haña bo BSN (Id nummer).

Via di internèt bo por haña un gran variashon di seguro i bo por apliká via di internèt tambe pa e seguro ku bo ta desea. Semper ta bon pa por kompará seguro ku otro dor di wak kiko ta nan tarifa i kiko tur nan ta kubri na momentu di malesa. Bo por asta tuma konseho di otronan ku ya tin un tempu bibá na Hulanda.
Na momentu ku bo no tin un seguro i situashon di malesa presentá, bo mes lo tin ku kubri tur e gastunan mediko, ku ta un suma bastante haltu.

Na momentu ku un nota no wordu kubrí dor di e agensia di seguro, bo mes tin ku paga e bedrag kompletu i despues deklara esaki bék na bo agensia di seguro. Pa bo por haña bo sen bèk. Riba e website di bo agensia di seguro mes bo por haña un splikashon kon pa hasi esaki.

Ora ku bo ta bai apliká pa un seguro, informa si bo por bini na remarke pa “zorgtoeslag”. Zorgtoeslag ta un kompensashon den bo tarifa di seguro ku bo ta paga tur luna. Pues e ta un tarifa ku bo ta risibí di belastingdienst pa yuda bu paga bo seguro.

Eksperensha ta konta, ku studiantenan ku tin un seguro via di SSC, no ta bini na remarke pa zorgtoeslag. Si akaso bo apliká pa esaki tòg, siendo bo no tin derecho riba djé, bo tin ku paga esaki bèk na belastingdienst, kual ta un bedrag haltu.

  • ShareShare on FacebookShare on LinkedInShare on Google+Tweet about this on Twitter
  • Bo tin pregunta?

    Pa kualke pregunta tokante estudio òf preparashon pa bai biba na Hulanda, tuma kontakto ku nos libremente.

    Tuma kontakto ku SnH
    Studia na Hulanda

    Studia na Hulanda