Studia na Hulanda

ta kuminsa ku un bon preparashon

Studia na Hulanda » Studiamentu

Periodo di aña eskolar
Manera na tur otro skolnan, na un mbo, hbo i universidat, nan tambe ta parti un aña eskolar den 4 periodo/kwartaal (simèster). I na final di kada periodo, nan ta seré ku tentamens (proefwerkweek). E tentamennan por ta den forma di, opdracht, schriftelijk òf presentashon.

Forma di duna lès
Na mbo, hbo i universidat, e sistema di duna lès ta diferente for di loke bo por a kustuma kune na un vsbo, havo òf un vwo. E diferente manera nan ku e lèsnan ta wordu duna ta: klasikal, hoorcollege, traha den grupo òf pa medio di opdracht. Lèsnan klasikal ta e manera tradishonal di duna lès kaminda un dosente ta duna splikashon i instrukshon durante e lès den un grupo chikí.

Hoorcollege ta wordu duná mayoria biaha na un grupo mas grandi, kaminda un òf dos dosente ta duna lès. E teoria ku ta wordu duná ta wordu sostente ku powerpoint presentatie òf bòrchi ku anotashon riba dje. Preguntanan por wordu hasí durante òf despues di lès.

Traha den grupo ta wordu hasi hopi na skolnan na Hulanda, prinsipalmente na hbo. Huntu ku otro studiantenan boso ta traha na un proyekto òf un opdracht chiki. Boso ta entrega un produkto na final, kaminda boso por haña un sifra komo grupo i asta tin biaha individual tambe. E produkto por wordu entrega den forma di un verslag í/òf presentashon.

Stage
For di mbo e studiante ta kuminsa kore stage, kaminda e ta haña un miho bista di e estudio ku e la skohe. Pa medio di stage e studiante por kue algun eksperensha den praktika pa despues. Stage ta un parti esensial di bo estudio kaminda, bo por haña un miho bista tambe si e estudio ku bo a skohe, si realmente e ta algu pa bo. Tin studiantenan ku pas na stage, nan tin un miho bista di kiko nan estudio ta énsera. I tin ku ta kambia di estudio dor ku na stage nan a mira ku realmente e estudio no ta loke nan a spera. Pesei un bon orientashon i informashon tokante di loke bo estudio ta realmente den praktika, també ta hopi esensial.

Responsabilidat
Na mbo, hbo i universidat e studiante mes ta responsabel pa traha su tareanan i studia e teoria. Pa medio di huiswerk i opdracht e studiante ta kompronde e teoria mas miho. Na hbo i universidat e studiante ta mas liber den su estudio, dor ku e dosente no ta kore bo tras pa hasi bo tareanan. Na mbo ahinda e dosente tin basta di bisa riba bo prestashon na skol.

Biblioteka
Mayoria skolnan tin nan propio biblioteka, ku ta ofrese e posibilidat di por studia, buska i fia buki, traha riba computer, ètc. Studia na biblioteka na skol ta bon, na momentunan ku por ta drùk den bo studentenflat.
Tambe den tur suidat tin un biblioteka, pero no ta tur ta mesun grandi. Mas grandi e biblioteka ta, mas fasilidat e ta ofrese. Mas chiki, menos ta e fasilidatnan ku e tin.

Diferente forma di yudansa na skol
Durante bo estudio, bo por konfronta bo mes ku problemanan di estudio. Esaki por ta por ehèmpel ku bo no a haal tur e vaknan òf kualke otro tipo di strobashon durante bo estudio.

Na skol, nan ta ofrese diferente yudansa durante bo estudio. Tin por ehèmpel bo mentor, decaan i sikologo.
Bo mentor ta esun ku bo tin mas kontakto kune durante bo estudio. É ta esun ku ta duna un splikashon tokante kon e aña eskolar ku bo ta den ta enserá. Tambe bo por tense kombersashon ku bo mentor na momentu ku tin algu no ta bayendo bon ku bo persona òf ku bo estudio. I depende na bo situashon, é ta esun ku por manda bu serka un decaan òf sikologo.

Un decaan ta e persona ku bo por bai serka dje na momentu ku problema presenta den bo estudio, pa motibu di por ehèpel malesa, problema ku studiefinanciering, finansas, huisvesting, etc.
Pa medio di kombersashon i decaan ta purba na saka afo ki tipo di yudansa bo mester i kiko e por nifika pa abo komo studiante.

Un sikologo ta esun ku ta trata mas e problemanan personal ku e studiante por tin. Por ehèmpel depreshon, problema familiar, problemanan soshal, ètc. E sikologo ta tene kombersashon ku e studiante pa sa kiko e por nifika pé. I e por manda e studiante tambe na otro instanshanan konserní ku por sigui dune e yudansa ku e tin mester.

Studiantenan internashonal i beursalen
Pa studiantenan ku ta bini for di otro país, por ehèmpel studiantenan for di “Antias”, tin algun skolnan ku ta ofrese èkstra begeleiding. E begeleiding aki por ta ensera, ayudo den e idioma Hulandes, themabijeekomsten i coaching, ku ta yuda e studiante pasa su añanan eskolar un tiki mas fasil.

Yudansa ku idioma Hulandes
Pa studiantenan ku no ta domina e idioma Hulandes optimal, ta rekomendabel pa volg lèsnan di Hulandes. Tin e posibilidat tambe di volg keuzevak (un vak di propio eskoho) di Hulandes. Esaki bo por hasi na mayoria hbo. Esaki lo ta di gran yudansa pa bo estudio.

  • ShareShare on FacebookShare on LinkedInShare on Google+Tweet about this on Twitter
  • Bo tin pregunta?

    Pa kualke pregunta tokante estudio òf preparashon pa bai biba na Hulanda, tuma kontakto ku nos libremente.

    Tuma kontakto ku SnH
    Studia na Hulanda

    Studia na Hulanda