Studia na Hulanda

ta kuminsa ku un bon preparashon

Studia na Hulanda » Trabou

Un trabou banda di bo estudio (bijbaan) ta un bon yudansa den bo finansas. E ta duna bo mas espasio den bo presupuesto i asta ku bo por spar. Manera ya ta konosí, ku e studiefinanciering no ta yega pa paga tur kos. Pesei ta konsehabel pa por traha algun oranan banda di bo skol, pa bo por tin mas espasio finansiero.
Mas miho ahinda, ora ku bo ta bin studia na Hulanda, ta konsehabel pa por tin algun sèn di spar ku por dura bu pa un temporada largu. Den kasonan asina ki, ta bon ku mayornan por sostene e hoben den esaki dor di por pone tur luna algu den banda (sí ta posibel).

Den e prome aña di bo estudio, ta konsehabel pa dediká mas tempu na bo estudio pa bo por logra bo propedeuse kual ta masha importante. Esaki ta nifiká ku despues di e aña aki bo por ta mas trankil i bo a kaba di kustuma ku Hulanda i ta kla pa por wak un trabou banda di bo skol (bijbaan). Tur hende su situashon ta diferente. Sí e situashon finansiero ta rekerí ku bo mester di e èkstra entrada den banda, bo por buska un trabou ku por pas den bo rooster di skol i ku no ta bira muchu pisá pa bo. Por ehèmpel, no ta konsehabel pa wak un trabou fulltime den siman ku ta bai stroba bu ku bo tareanan di skol. Hopi studiante ta traha mayoria oranan den weekend. Kòrda ku bo skol tin mas prioridat.

Pa por yega na un trabou pa studiante bo por aserka un uitzendburo, kaminda nan ta ofresé diferente tipo di trabounan. Bo por buska via di internèt tambe. Pero personal nan tin un miho bista di ken bo ta, i bo por tin un kombersashon ku nan mes ora tokante di trabou. I e posibilidat pa por haña algu ta mas grandi na momentu ku bo bai personal. Via di internèt bo por buska na diferente uitzendburonan i tambe dirèkt via di e website di e luga kaminda bo kier bai traha, nan tin nan propio vakaturanan. Soru pa bo tin un bon cv (curriculum vitae) na momentu ku bo ta buska trabou. Dor ku esaki ta wordu pidí mayoria biaha dor di doñonan di trabou.

Tabou pa studiante (bijbaan) ta ensera ku bo ta traha algun oranan banda di bo estudio. Un trabou partime of tin biaha riba oproepbasis. E trabou por ta durante di siman despues di bo skol of den weekend. Esaki ta keda na bo propio eskoho i depende e posibilidatnan ku e trabou ta ofrese.
Tene kuenta ku tin un limite di entrada ku bo tin mag di gana pa aña, banda di bo studiefinanciering. Pa mas informashon bishita e website di Duo.nl.

  • ShareShare on FacebookShare on LinkedInShare on Google+Tweet about this on Twitter
  • Bo tin pregunta?

    Pa kualke pregunta tokante estudio òf preparashon pa bai biba na Hulanda, tuma kontakto ku nos libremente.

    Tuma kontakto ku SnH
    Studia na Hulanda

    Studia na Hulanda