Studia na Hulanda

ta kuminsa ku un bon preparashon

Studia na Hulanda » Studiefinanciering


Info Basiko

Studiefinanciering ta un beka ku bo ta risibí di gobiernu Hulandes na momentu ku bo apliká pa esaki. E kantidat di sèn aki ta pa bo paga bo skol, buki di skol, seguro i algun gastunan di bida. E kantidat di studiefinanciering ku lo bo risibí, ta depende di e entrada di bo mayornan i si bo ta biba riba bo mes. Pues mas entrada bo mayornan ta gana, menos ta e studiefinanciering ku lo bo risibí. Esaki ta nifika ku bo mayornan lo tin ku kopera ku algu tur luna. Sí bo mayornan su entrada ta menos i no por kopera financieramente, gobiernu Hulandes ta apliká e aanvullende beurs pa bo.

E studiefinanciering ta konsistí di tres parti. E prestatiesbeurs, un fiansa (lening) i bo karchi pa bo trafiká kune den transporte publiko (studenten ov).

Prestatiebeurs
E prestatiebeurs ta konsisti di basisbeurs, aanvullende beurs i e studenten ov.
E prestatiebeurs ta un fiansa. Si bo logra di kaba bo skol den 10 aña, e prestatiebeurs ta bira un gift (regalo). Tambe e lening di e studenten ov ta bira un regalo ora bo kaba bo estudio den e tempu stipulá

Basisbeurs
Tur studiante ku tin derecho riba studiefinanciering ta haña e basisbeurs.
Si bo ta biba riba bo mes, bo studifinanciering ta mas tantu.

Aanvullende beurs
E aanvullende beurs, bo por aplika pe, pero no ta obligatorio. Na momentu ku bo aplika pa esaki, DUO ta manda pidi informashon di bo mayornan pa por kalkula kuantu aanvullende beurs bo por risibí. Na momentu ku DUO no risibí e informashon aki, nan no por hasi un kalkula di e aanvullende beurs i bo ta risibi mensos studiefinanciering di loke bo tin derecho riba dje.

Fiansa (lening)
Banda di e basisbeurs i e aanvullende beurs, bo por aplika pa un fiansa. E fiansa aki bo tin ku page bèk despues di bo estudio, si bo haal bo diploma òf no, ku interes riba dje.
E fiansa no ta obligatorio i bo por aplika pe tambe pa un temporada kòrtiko so tambe.

Studenten ov
Ora ku bo tin derecho riba studiefinanciering, esei ta nifika tambe ku bo tin derecho riba ov. Ku e ov aki bo por trafika gratis rond hulanda, sea den weekend òf den siman, depende kua bo aplika pé. Depende bo eskoho di ov, por ehèmpel si bo skohe pa esun di siman, bo por kore den siman gratis kune i den weekend bo ta haña rebago riba e prèis pa e distansha ku bo a kore.
Sí bo no ta desea di tin e ov aki, kual tambe bo tin ku paga bèk despues di bo estudio, bo por keda sin aplika pa esaki, dor di geef door esaki na DUO.

  • ShareShare on FacebookShare on LinkedInShare on Google+Tweet about this on Twitter
  • Bo tin pregunta?

    Pa kualke pregunta tokante estudio òf preparashon pa bai biba na Hulanda, tuma kontakto ku nos libremente.

    Tuma kontakto ku SnH
    Studia na Hulanda

    Studia na Hulanda